விமர்சன பார்வை : குறுங்கதை : 101 இரவுகள் எழுத்து : கே.பாலமுருகன்

-

101 இரவுகளில் முதல் பயணம் ஓர் ஆழமான உளவியலைச் சார்ந்திருப்பதாக உணர முடிந்தது.மறுவாசிப்பில் மேலும் பல தகவல்களை உணர முடிந்தது.

 அவள் வெளிச்சத்தை வெறுக்கிறாள்.ஒருவராவது தன்னைப் புரிந்து கொள்ள மாட்டார்களா என ஏங்குகிறாள்.இது அவளுக்குள் கிடக்கும் உளவியல் சிக்கல்களை வெளிப்படுத்தி நிற்கிறது.அவனது வருகை அவளுக்குள்ளிருக்கும் எதிர்பார்ப்புகளைப் பூர்த்தி செய்வதாக அமையவில்லை.அவன் வழி அவள் உணரும் கற்பனை வாழ்க்கை தான் அவளது மகிழ்ச்சி.

ஆலிஸ் இன் வொண்டர்லேண்....இருண்ட கற்பனைக்குள் நம்மை அழைத்துச் செல்லும் நாவலாகும்;திரைப்படமாகும்.விந்தையான உலகில் மூழ்கச் செய்யும் விந்தையான உயிரினங்கள் நிறைந்த கற்பனை வாழ்க்கையாகும்.ஆலிஸ் கதாபாத்திரம் நீலநிற இடுப்புச் சட்டை அணிந்து கடிகாரம் ஏந்திய முயலோடு மாய உலகில் நுழைகிறாள்.அங்கு வாழ்ந்து அவர்களோடு இணைந்து விடுகிறாள்.பிரமைகள் நிகழ்ந்த உலகில் இல்லாத விடயங்களைக் காட்சிப் படுத்தப்படுவது இயல்பு.அவனது உயிரோட்டமில்லாத இறுதி வாசிப்பில் அவள் மனமுடைகிறாள்.கற்பனைக்குள் தன்னை நிலைநிறுத்திக் கொண்டவளுக்கு அவன் இல்லாத பொழுது நரகமாகிறது.

கனவுக்குள்,கற்பனைக்குள் தொலைந்து போகும் ஒரு வித உணர்வு ஆழ் மன பாதிப்புகள்தான்.மாயத்தோற்றங்கள் முழுமையாக ஆட்கொள்ளும் நிலை.இதனால் ஆபத்தில்லையென்றாலும் தவறான எண்ணங்களினால் கூட ஆளப்படலாம் என்கிற நிலை உண்டு.அவன் இல்லாத போதும் மாய பூனை எனும் கற்பனை அவளோடு வாழ்கிறது.மனம் விரும்பிய விடயங்களில் தான் மனம் ஒன்றினைந்து போகும்.இது ஆழமான உளவியல் பாதிப்பாக கருதலாம்.தன்னிலை மறந்து எப்போதும் இரவு வேளைக்காக,அந்த மாய உணர்விற்காக,பிரம்மைக்காக மனம் தள்ளப்பட்டுக் கொண்டே இருக்கும்.

அவனது மரணம் அறியாதவரை அவள் எல்லா இரவுகளிலும் இருண்ட கற்பனைக்குள் வாழ்ந்திருப்பாள்.

இணைப்பு :

http://balamurugan.org/2022/02/04/%e0%ae%95%e0%af%81%e0%ae%b1%e0%af%81%e0%ae%99%e0%af%8d%e0%ae%95%e0%ae%a4%e0%af%88-101-%e0%ae%87%e0%ae%b0%e0%ae%b5%e0%af%81%e0%ae%95%e0%ae%b3%e0%af%8d/

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

குறுங்கதை : சிங்கப் பெண்ணே

-
அரங்கமே அமைதியில் சூழ்ந்த நிலையில் களமிறங்கிய மாணவிகள் அவர்தம் ஓடும் பாதையில் வேட்டைக்குத் தயாராகிக் கொண்டிருந்தனர். நானூறு மீட்டர்.     கால்கள் ஓரிடத்தில் நிலைப்பெற முடியாத நிலையில் கைவிரல்களும் ஒன்றையொன்று பின்னிக்கொண்டு நிலைக்குத்திக் கிடந்தன. வியர்வை துளிகள் முகத்திலிருந்து கழுத்திலறங்கி நெஞ்சுக்குழியில் நீரோட ஆரம்பித்ததும் சற்று நினைவு திரும்பியவனாய் விழியின் ஓரமாய் மாலினியைப் பார்த்தேன்.      அவள் எந்தவொரு சலனமுமின்றி காணப்பட்டாள். நான் கவனித்தை உணர்ந்தவளாய் தன் காந்தப் பார்வையால் என்னை நோக்கினாள். அவள் கண்களையே பார்த்தேன்.       "என்னங்க சார், நான் உங்க பொண்ணு. மனசுல படபடப்பு வேணாம். போய் ரீலேக்சா உட்காருங்க..."      மாலினி உள்ளத்துணர்வுகளை விழியால் மீட்டுவது இது ஒன்றும் முதல் முறையல்ல.       சுங்கை தெப்பி தமிழ்ப்பள்ளிக்கு மாற்றலாகி வந்த நாளன்று "வணக்கம் சார்" என்று லாரன்ஸ் மாஸ்டர் பாணியில் முதல் வணக்கத்திலே என் முதல் குழுந்தையுமானாள் மாலினி.      நான் ஓய்வாகும் வேளையில் மாணவர்கள் திடலியிருந்தால் ஒவ்வொரு மாணவர்களின் நடவடிக்கைகள், கைகால்கள் அசைவுகள், விளையாட்ட
மேலும் படிக்கவும்

குறுங்கதை : விளைச்சல்

-
படம்
நூல்கள் வரிசையாக அடுக்கப்பட்டிருந்தன. வாசற்கதவோரம் மேசையென்பதால் வருவோர் போவோரெல்லாம் நூல்களை நோட்டமிடாமல் இல்லை. இலக்கிய நிகழ்வென்பதால் சுமாரான கூட்டம் வரும் என்கிற நம்பிக்கை இருந்தது. மாணவர்களும் பெற்றோர்களும் அரங்கினில் அமர்ந்து பேசிக் கொண்டிருந்தனர். மாணவர்கள் ஓரேயிடத்தில் அமராமல் அங்குமிங்குமாய் ஓடிக் கொண்டிருந்தனர். இசைக்குழுவினர் பாடல்களை ஒலிபரப்பிக் கொண்டிருந்தனர்.  வாசற்கதவோரம் கடந்து செல்பவர்கள் நூல்களைக் கண்டும் காணாதவராய்ச் சென்றுக் கொண்டிருந்தனர். மாணவர்கள் அவ்வப்போது வாசற்கதவு வரை வருவதும் நூலின் அட்டைப் படத்தைத் தடவுவதும்,நூலைத் திறந்து பார்ப்பதுவுமாய் ,இருந்தனர். பெற்றோர்களை கையசைத்தால் எடுத்தப் நூலை அப்படியே மேசை மீது போட்டு விட்டு அரங்கத்தினுள் ஓடினர். நூலைப் பற்றி மாணவர்களுக்கு விளக்கமளிக்கலாம் என முனையும் போதெல்லாம் சட்டென்று அரங்கினுள் ஓடி விடுகின்றனர். வழக்கம் போல நிகழ்ச்சி தாமதமாகத்தான் தொடங்கியது. நிகழ்ச்சி நடைப்பெற்றுக் கொண்டிருந்தாலும் இன்னுமும் வருகையாளர் பட்டியல் ஓய்ந்தப்பாடில்லை. ஒரு மணி நேரத்தைக் கடந்து விட்ட நிலையிலும் ஒரு நூல் கூட விற்பனையாகவ
மேலும் படிக்கவும்

கனவிலிருந்து தப்பித்தவர்கள்........ வாழ்வியலின் எதார்த்தங்கள்

-
படம்
நூல் பார்வை : கனவிலிருந்து  தப்பித்தவர்கள்.... வாழ்வியலின் எதார்த்தங்கள் வாசிப்பு என்பது மூலதனம். நம் மூளையானது அபார சக்தியைக் கொண்டு இயங்குகிறது.நம் சிந்தனைச் சக்தியை வலுப்படுத்த வேண்டியது நமது கடமையாகும். அதற்கு வாசிப்பு ஒன்றே மிகச் சிறந்த தேர்வாகும். இல்லந்தோறும் நூலகம் வேண்டும் என்பதே அறிஞர் அண்ணாவின் இறுதி ஆசையாக அமைந்தது. வாசிப்பின் அவசியத்தையும் அதன் சுவையையும் உணர்ந்தவர்கள் அதனை சுவாசமாகத்தான் கருதுகின்றனர். அவ்வகையில் நாடறிந்த எழுத்தாளரும், ஆசிரியருமான திரு. கே. பாலமுருகன் அவர்களின் 'கனவிலிருந்து தப்பித்தவர்கள்' எனும் நூலை வாசிப்புத்தளமாகக் கொள்வதில் பெருமிதம் அடைகிறேன். இன்றைய இளம் தலைமுறையினரை மிகச் சிறந்த படைப்பிலக்கியவாதிகளாக உருவாக்குவதையே தன் குறிக்கோளாகக் கொண்டு செயல்படுபவர் ஐயா கே.பாலமுருகன் அவர்கள். கனவிலிருந்து தப்பித்தவர்களில் முப்பத்தாறு குறுங்கதைகள் இடம்பெற்றுள்ளன. இவ்வெழுத்து சிற்பத்தை குறுங்கதைகள் என முத்திரைப்படுத்தப்படுவது இலக்கியத்தின் வரையறைகளா அல்லது காலத்தின் தேவையா? வார்த்தைகளின் எண்ணிக்கையை சுறுக்கி விட்டால், பக்கங்களின் எண்ணிக்கையை குறைத்து விட்
மேலும் படிக்கவும்